[REVIEW] Bogor

assallammuallaikum warahmatullahi-wabarakatuh..

ya ! Bogor.. bogor itu terkenal kota yang dingin yeh (kalo ngga salah), trus disono juga banyak villa (kalo ngga salah, lagi)..

tapi bogor itu selain terkenal dengan yang gue sebutin di atas, bogor juga terkenal sebagai tukang ngirim banjir oleh orang orang jakarta..

ko' bisa dibilang kaya gitu ?

bisa lah, karna setiap musim ujan di Indonesia, gue nonton TV, isinya apa ? isinye pasti tentang 'Jakarta Waspadai Banjir Kiriman'..

siape yang ngirim ? ya si bogor..

kenape harus ke Jakarta ? Jakarta aje ujan sedikit aje udeh pada banjir.. trus ngapain ada yang ngirim banjir..

logikanye gini, di Indonesia musim ujan, otomatis semua kota dan wilayah di Indonesia bakalan kebagian ujan walaupun waktunye beda beda.. nah di Jakarta ujan sedikit aje kan udeh banjir seleher (leher kucing), pas misalnye banjir di Jakarta udeh surut, trus di bogor baru ujan, bogor banjir, trus banjirnye di kirim ke Jakarta, nah kalo di Jakarta lagi ujan pas nerima kirimannye, kalo lagi panas gimane ?

______________________________________________________________________________________ ______________________________________________________________________________________ jadi misalnye gue lagi nongkrong di deket kali, siang, panas, gue duduk di bale, trus tau tau sendal gue ngambang..

LAH, NIH AER DARI MANE !?

trus gue liat kesekeliling gue..

kenape jadi banjir gini ? kan lagi panas ?

______________________________________________________________________________________ ______________________________________________________________________________________ yah mao ngga mao gue bakalan banjir banjiran..

tapi kalo banjir tiba tiba pas lagi panas kaya gitu kan kasian gembel yang lagi tiduran di emperan toko.

______________________________________________________________________________________ ______________________________________________________________________________________ ceritanye toko CangCingCung lagi tutup, trus gembel lewat, gembelnye kelaperan.

aduh gue laper bener nih...jadi males ngemis lagi gue.. mane panas lagi..

eh die ngeliat toko yang lagi tutup.

wah ! ada toko tutup tuh tidur dulu ah..

trus gembel itu tidur di depan toko, eh tau tau dua menit kemudian die udeh kelelep banjir..

______________________________________________________________________________________ ______________________________________________________________________________________ kan kacau.. bisa banyak gembel yang mati cuma gara gara banjir kiriman dari bogor yang mendadak itu ye kan..

trus kan kalo udeh banjir kaya gitu tinggal nunggu aer-nye nguap ke awan trus jadi awan, trus di ujanin lagi yeh kan. ngujaninnye dimane ? di Jakarta.

bukannye tambah surut karna nguap, eh malah tambah tinggi banjirnye gara gara ujan lagi..

banjirnye tambah parah, trus HI banjir..

HI banjir, masuk TV, trus jadi banyak orang orang kampung yang ngga pernah ke water park pergi ke Jakarta, cuma buat apa ? buat banjir banjiran di Jakarta doang.. NORA !

die ngerela-relain ngeluarin banyak duit cuma buat banjir banjiran di Jakarta, padahal anaknye di kampung sono, bela bela-in ngelewatin kali, banjir banjiran demi nyampe ke sekolah..

NGAPAIN LU KE JAKARTA !? PADAHAL DI KAMPUNG LU ITU LEBIH PARAH BANJIRNYE !! menuh-menuhin Jakarta aje lu..

itu salah satu yang gue benci kalo Jakarta lagi banjir.. banyak orang orang dari luar Jakarta bela belain ke Jakarta, itu semua gara gara banjir kiriman dari bogor..

udeh gitu apa ? pas Jakarta banjir waktu itu, kan ada reporter acara berita tuh ye kan.. eh reporternye nanya ke ibu ibu yang lagi banjir banjiran di HI.

______________________________________________________________________________________ ______________________________________________________________________________________ Reporter Berita : ya sekarang kita sedang berada di salah satu lokasi banjir di Jakarta, dan disini banyak sekali orang orang dari luar Jakarta yang datang HI ini untuk merasakan banjir banjiran di Jakarta. Mari kita tanya salah satu orang yang ada di sini. (reporternye nyamperin ibu ibu yang lagi ngobak) Bu, boleh tanya tanya bu ?

Ibu Ibu : iya boleh de. (sambil ngelambai-in tangannye ke camera)

Reporter Berita : maaf dengan ibu siapa ?

Ibu Ibu : Surinem.

Reporter Berita : oh dengan ibu Suritem, dari mana bu kalo boleh saya tau ?

Ibu Ibu : dari Bogor.

______________________________________________________________________________________ ______________________________________________________________________________________ LAH INI BANJIR DARI TEMPAT LU ! BOGOR ! KALO LU EMANG MAO BANJIR BANJIRAN, NGAPAIN BANJIR YANG SEHARUSNYE DI KOTA LU JADI DIKIRIM KE JAKARTA !? KALO UJUNG UJUNGNYE LU JUGA YANG BANJIR BANJIRAN..

tunggu tunggu.. kenape gue malah nge-review banjir Jakarta, ini harusnye buat nanti pas Jakarta banjir..

O.K. kita balik ke materi gue lagi aje.. ngomongin soal Bogor.

ya ngomongin soal bogor, ngga banyak yang gue tau soal bogor kecuali yang di atas tadi, jadi yaudeh gitu aje.. hahai..

gue KT

wassallammuallaikum..